Онлајн сервисот или интернет телевизијата Netflix, ги објави датумите на премиери на своите оригинални серии што ќе ги гледаме годинава на истиот. Меѓу нив се нови серии и серии кои што се враќаат со нови сезони, почнувајќи од февруари, па сè до август.
Покрај сериите на листата подолу, Netflix најави и нова сезона на Marvel’s Jessica Jones, како и нова сезона на британската серија Black Mirror, чии датуми на премиери сè уште не се познати.
Серии што се враќаат со нови сезони:
House of Cards (4-та сезона) – 4 март
Daredevil (2-ра сезона) – 18 март
Unbreakable Kimmy Schmidt (2-ра сезона) – 15 април
Grace and Frankie (2-ра сезона) – 6 мај
Orange is the New Black (4-та сезона) – 17 јуни
Нови серии:
Love – 11 февруари
Новата серија на Џуд Апатоу (The 40-year-old Virgin, Pineapple Express, Knocked Up, Girls) ги следи Гас и Мајки преку кои ќе прикаже реален поглед на дејтингот и љубовните врски. За сега се нарачани две сезони од по 10 сезони, а во главните улоги на оваа романтична комедија ќе ги видиме Џилијан Џејкобс (Community) и Пол Раст.
Fuller House – 26 февруари
Повеќе од 20 години по завршување на семејната комедија Full House, Netflix ја возобновува истата, под насловот Fuller House.
Flaked – 11 март
Вил Арнет е гуру за само-помош, кој сетруди да остане чекор понапред од своите лаги. Како продуценти на Flaked се потпишува токму Арнет и Мич Хурвиц (Arrested Development).
The Ranch – 11 април
Комедијата со Ештон Кучер ќе ни прикаже сторија за пропаднат полу-професионален рагби играч, кој по пропаѓање на кариерата се враќа дома во Колорадо каде ќе треба да помогне на семејството да го води ранчот. Во серијата ќе глуми и Елиша Катберг (24).
Kong: King of the Apes – 15 април
Ова е првата анимираната серија на Netflix, од многуте што ќе следат. Серијата е сместена во 2050-та година, кога Конг станува баран бегалец по хаосот во Природно-научниот резерват на Алкатраз. Но луѓето не знаат дека Конг беше наместен од страна на злобен генијац кој има планови за теориризирање а светот со армија на огромни роботски диносауруси. А единствениот ѕвер способен да ги сопре и да госпаси светот е Кинг Конг – кој мора да се потпре на помошта на три деца што ја знаат вистината.
Marseilles – 5 мај
Првата француска серија на Netflix е приказна за моќ и корупција, во францускиот крајбрежен град. Се фокусира на гладоначалникот Роберт Таро, кој последниве 20 години е првиот човек на градот. Претстојните избори ќе ги соочи Таро и неговиот следбеник во борба за власта. Ќе го гледаме Жерард Депардје во главната улога.
Stranger Things – 15 јули
Оваа драма хорор/трилер серија се состои од 8 едночасовни епизоди, а ќе ја раскаже приказната сместена во 80-тите за исчезнато момче. Како што неговото семејство, пријателите и локалната полиција ќе бараат одговори, ќе се соочат со мистерија што вклучува тајни експерименти, страшни натприродни сили и чудно мало девојче. треба да се Серијата ја креираа Мет и Рос Дуфер (Wayward Pines, Hidden), во која главната улога ја толкува Винона Рајдер.
The Get Down – 12 август
Музичката драма сместена во 70-тите во Њујорк, ќе ја раскаже приказната за група тинејџери од Бронкс кои не поседуваат ништо освен вербални игри, импровизирани танц-чекори и спреј во боја. Серијата на визионерот Баз Лурман (Romeo + Juliet, Moulin Rouge, The Great Gatsby) ќе го прикажа раѓањето на хип-хопот, панкот и диското во Њујорк – во тоа време град на работ на банкрот.
